好多人問我關於Patreon收費嘅事，我整理曬大家嘅問題而家一次過解答 。
現時嘅收費程序係由你加入當日即時收費，然後每個月嘅1號就係Patreon嘅收費日。呢個當日即時收費做法，係保障內容創作者嘅創作，確保每一位都有付費情況下先至睇到；而定每個月1號為收費日，Patreon原意係讓內容創作者嘅創作可以得到應有嘅回報，而且可以每月有固定收入，好似你月尾就係出糧日一樣，方便你去交租、畀家用、繳交各種嘅費用等等，我出糧日就係月頭。
收費程序完全係由Patreon負責，作為Patreon平台使用者嘅我，呢度每一個payment動作 Patreon都會向我收錢，而且我嘅選擇並唔多。我可以選擇每一條片去向你哋收費charge per creation，亦都可以選擇每個月向你哋收費charge monthly。而每個月向你哋收費嘅選擇再分為兩個。一個係而家用緊嘅「charge up front」，你Join當日就會向你收費，因為係當日開始你就可以睇到Patreon入面嘅內容，收取嘅費用係作為當月嘅收費。之後每個月嘅1號，會向你收取嗰個月嘅收費，好似2月1號就會向你收取2月嘅收費。
之前我剛開始Patreon選取嘅收費模式係「每月1號收費」模式，即係只會喺每個月嘅1號收費。假如你喺1月17號 Join，你當日唔需要繳費，直至去到2月1號Patreon就會向你收費。但我發現呢個收費模式有太多唔守規矩嘅人濫用，好多人睇完我嘅內容之後，喺每個月尾就會有大量退訂，呢班人Patreon冇向佢哋收取任何費用（張相上面嘅「lifetime」顯示佢哋總共畀咗幾多錢 - $0），但佢哋同時又可以享用我Patreon嘅內容，咁樣對好多其他遵守規則嘅fans，同埋內容創作者嘅我都唔公平，所以我決定更改收費模式做「charge up front」。
有人覺得：「我一月尾Join好唔著數！」，我嘅理解係：你所畀嘅費用睇到嘅內容，同喺一月頭加入嘅人一模一樣。亦有人同我講：「咁遲啲join，咪抵啲囉？」iPhone遲啲買都係平啲㗎！同埋我會一路解答大家對同一個topic有嘅問題，我會集合大家嘅問題一次過解答，如果你之後Join，再問返好耐之前topic嘅bakchi嘢，由於問題天天都多，如果我得你一個Patron我都好願意逐個逐個去答你嘅～ 知識呢啲嘢，我覺得越早知越好，我都希望有人喺我16歲嘅時候教我拍片，都係嗰句：早買早享受。
希望我嘅解釋可以幫助你哋去了解Patreon收費模式背後嘅原因，有咩問題可以隨時問我！我希望你哋真正enjoy Patreon我畀你嘅內容 ：）
Join Patreon 英文重整班 > patreon.com/michaelmmg
Search